वस्त्रनगरी वृत्तसेवा / बाबा लोंढे
मुंबई : डिझाइनला प्राधान्य देणारा आणि शाश्वत लक्झरीची नवी व्याख्या घडवणारा ‘लुसिरा ज्वेलरी’ या फाईन ज्वेलरी ब्रँडने आपले पहिले एक्स्पीरियंस स्टोअर मुंबईतील चेंबूर येथे सुरू केले आहे. या स्टोअरच्या उद्घाटनापूर्वी सप्टेंबर २०२५ मध्ये कंपनीने ५.५ दशलक्ष अमेरिकन डॉलर्सचा सीड राऊंड उभारल्याची घोषणा केली होती. भारतातील लॅब-ग्रोउन डायमंड स्टार्टअप क्षेत्रातील हा आतापर्यंतचा सर्वात मोठा सीड फंडिंग राऊंड मानला जातो.
चेंबूरमधील ८०० चौरस फूटांचे हे स्टोअर उत्कृष्ट कारागिरी आणि दैनंदिन वापराची सोय यांचा संगम घडवते. जीवनातील लहान-मोठ्या क्षणांना साजेशा खास हिऱ्यांचा अनुभव घेण्यासाठी हे स्टोअर ग्राहकांना आमंत्रित करते. येथे ब्रँडच्या ‘हीरो हेक्सा’ आणि ‘ऑन द मूव्ह’ कलेक्शनपासून ते कालातीत अभिजाततेचं प्रतीक असलेल्या खास ‘सॉलिटेअर्स’ विभागापर्यंतची विविधता उपलब्ध आहे.
स्टोअरच्या उद्घाटनाबाबत बोलताना लुसिरा ज्वेलरीचे सह-संस्थापक रूपेश जैन म्हणाले की, “मजबूत डिजिटल पाया तयार केल्यानंतर मुंबईत आपले पहिले एक्स्पीरियंस स्टोअर सुरू करणे हे ग्राहकांशी अर्थपूर्ण संबंध निर्माण करण्याच्या आमच्या वचनबद्धतेचे प्रतीक आहे. सौंदर्य आणि शाश्वततेला प्राधान्य देणाऱ्या आजच्या ग्राहकासाठी लॅबमध्ये विकसित डायमंड्स ही एक विचारपूर्वक केलेली निवड आहे. चेंबूरमधील हे स्टोअर आमच्या डिझाइन आणि पर्यावरण-जागरूक दृष्टिकोनाला जिवंत अनुभव देते. तरुण व्यावसायिक आणि कुटुंबांसाठी प्राधान्य असलेले चेंबूर लुसिराच्या मुंबई पदार्पणासाठी आदर्श ठिकाण आहे.
“चेंबूरमधील स्टोअर एक सामुदायिक अनुभव केंद्र म्हणून डिझाइन केले असून येथे स्टाइलिंग सेशन्स, कलेक्शन प्रिव्ह्यू आणि हाय-टी समारंभांसारखे खास इन-स्टोअर अनुभव प्रदान करण्यात येतील. प्रत्येक कार्यक्रम हिऱ्यांचे प्रेमी एकत्र आणतो, दागिन्यांचे नवीन मार्ग सुचवतो आणि ब्रँडशी जवळचे नाते घडवतो. स्टोअरमध्ये लुसिराच्या सर्व प्रमाणित लॅबमध्ये विकसित डायमंड डिझाईन–फर्स्ट हीरो कलेक्शन्स हेक्सा आणि ऑन द मूव्हसाठी स्वतंत्र विभाग आहेत तसेच सॉलिटेअर्स, दैनंदिन दागिने आणि स्टेटमेंट ज्वेलरीची विस्तृत निवड उपलब्ध आहे. प्रत्येक दागिन्यास आयजीआय/जीआयए/एसजीएल प्रमाणपत्र आणि बीआयएस हॉलमार्क मिळते तसेच त्यावर आयुष्यभर एक्सचेंज आणि बायबॅक हमी दिली जाते.
हे फ्लॅगशिप स्टोअर लुसिराच्या ऑम्निचॅनेल विस्ताराला नवीन गती देते. ब्रँडने आर्थिकवर्ष २०२६ अखेरपर्यंत प्रमुख महानगरांमध्ये आणखी तीन स्टोअर्स सुरू करण्याची योजना जाहीर केली आहे. ही योजना ब्लूम व्हेंचर्सच्या नेतृत्वाखालील रेकॉर्ड सीड फंडिंग राऊंडच्या गतीवर आधारित आहे, ज्यात स्प्रिंग मार्केटिंग कॅपिटलचा सहभाग होता.
